أرسم حدودك وأبتدي

أرسم حدودك وأبتدي
رحلة شقاك
ممنوع تحدد وجهتك
أو مبتداك
لف وطوف الأمكنة
وأسأل دليل
جايز تلاقي ضالتك
مستنياك
وأفهم بأنك م البشر
ما أنتش ملاك
((((()))))
أغزل حبالك بالأنين
وأبحر سنين
أخلع ضلوعك م القفص
وسنهم بين الأيدين
وأصنع بضلعك مجدفين
وأكسر سدود الموج وعافر
سافر
لجلن ما تعرف أنت فين
أفرد شراعك ع السواري وع البيوت
أتبع طريق دمعتك
وأبحر وراها ع الخدود
جايز تموت
عمرك ضعيف
ضعف خيوط العنكبوت
خلي دموعك بصلتك
وقت الرحيل
وأرسم بحملك التقيل
بسمة دليل
وأوصل حدود المستحيل
صوت الأنين جواك جميل
غني
وغني
وغني
ياللي انت ناوي علي الرحيل
لم الغنا ويا الكلام وياك وروح
يمكن يكون لك في الضلام
شمس الأصيل

ما اجمل كلاميك فى موضيعك يا اجمل احساس مرسى ليكى